SERIKALI NA WADAU WAUNGANA KUTATUA CHANGAMOTO ZA ATHARI ZA MVUA SERENGETI

Imewekwa: May 15th, 2022

Kutokana na Mvua kali iliyoambata  na upepo Mkali Kuangusha Miti na kuezua paa za Taasisi na Makazi katika kata ya Natta mnamo tarehe 09 Mei 2022, Kamati ya Ulinzi na usalama(W) ilitembelea Taasisi na wahanga walioathiriwa na Mvua hiyo,Na Mkuu wa Wilaya Serengeti kutoa wito kwa Wadau kujitokeza ili Kutatua changamoto Hiyo kwa pamoja.

Wadau wamejitokeza na kutoa msaada wa vifaa vya ujenzi kwa kushirikiana na serikali.ambapo Mpaka sasa Miti yote iliyoangukia  taasisi imeondolewa na huduma za umeme zimerejea Baada ya TANESCO kuchukua hatua za Haraka.

Aidha,uandaji wa BOQ umekamilika na Zoezi la ujenzi limeanza.Kampuni ya Grumeti Resevers imetoa msaada wa vifaa ujenzi vyenye thamani ya  Mil.9 ambavyo ni Mabati 210 na Misumari.

Mkuu wa Wilaya ya Serengeti Dkt.Vincet Mashinji amewashukuru Wananchi waliojitokeza kutoa msaada wa Hali na Mali kwa michango na nguvu kazi yao ili kuhakikisha taasisi zinarudi katika hali yake ya kawaida  na kuendelea kutoa huduma,Lakini pia amesisitiza kila Mwanafunzi kuwa na Mti na kila kaya kupanda miti katika maeneo yao.

Mkurugenzi mtendaji wilaya ya Serengeti Ndg.Kivuma H.Msangi amewapongeza wananchi na wadau waliojitokeza kwa kujitoa kuhakikisha hali ya taasisi zinatengemaa.

Mwalimu Mkuu wa Shule Natta Mbisso Ameishukuru Serikali na Wadau waliojitokeza  kusaidia kutatua changamoto hiyo ya kuezuliwa kwa kwa madarasa  manne.

Nae,Meneja uhusiano wa Kampuni ya Grumeti reserves Bw. David Mwakipesile amesema ‘’Baada ya kupokea taarifa kutoka kwa wenzetu wa kijiji cha Natta tulikuja na kuona hali ya uharibifu ambao umesababishwa na Janga hili la Mvua na Upepo  Mkali,na sisi baada ya kuona tuliona tutoe mchango wetu kama Majirani Hivyo tumetoa Mabati na misumari yake.’’

Ifikapo Siku ya Jumatatu tarehe 16 Mei 2022,Marekebisho katika tasisi yatakuwa yamekamilika na shughuli kuendelea kama kawaida huku tahadhari Zaidi zikiendelea kuchuliwa  ili kujikinga na majanga ya aina hayo kwa kupanda miti kwa wingi.